''Եպիսկոպոսը ընտրուած է ծառայելու եւ ոչ թէ իշխելու համար''` ըսաւ Նորին Սրբութիւնը
գերապայծառ Վէրկէզ Ալծակայի եպիսկոպոսական ձեռնադրութեան արարողութեան ընթացքին։
Եպիսկոպոսութիւնը ծառայութիւն մըն է եւ ոչ թէ պատիւ` եպիսկոպոսին գործն է ծառայել եւ
ոչ թէ իշխել` ըսաւ Ֆրանչիսկոս Պապը, ուրբաթ, 15 նոյեմբերի յետմիջօրէին, Սուրբ Պետրոսի
մայր տաճարին մէջ գլխաւորած Վատիկանի քաղաքապետարանի ընդհանուր քարտուղար, 68 ամեայ,''Քրիստոսի
Լեկիոններ'' անուամբ միաբանութեան անդամ, գերապայծառ Ֆէրնանտօ Վերկէզ Ալծակայի ` եպիսկոպոսական
օծման արարողութեան ընթացքին։ Նորին Սրբութիւնը իր քարոզը կեդրոնացուց Եպիսկոպոսի
առաքելութեան վրայ եւ Աստուծոյ հօտին ի սպաս ծառայութեան։ ''Եպիսկոպոսը ամէնուն Հայրն
ու Եղբայրն է'' -ըսաւ Սրբազան Հայրը ու ապա ակնարկեց նորօծ եպիսկոպոսի գործունէութեան
որպէս Կարտինալ Էտոարտօ Ֆրանսիսքօ Բիրոնիոյի քարտուղար։ Աւետարանը հռչակել ամենուրէք`
ըլլայ բարեպատեհ կամ ոչ բարեպատեհ առիթներով, այպանել, յորդորել եւ խրատել, հեզաբարութեամբ
եւ եւ հեղինակութեամբ - յարեց Սրբազան Հայրը։ Յայտնենք որ Գերապայծառ Վերկէզ ծնած
է 1945-ի մարտ մէկին, քահանայ ձեռնադրուած է 26 նոյեմբեր 1969-ին եւ անցեալ 30 օգոստոս
2013-ին, Ֆրանչիսկոս Սրբազան Հայրը զինք անուանած է` Վատիկանի քաղաքապետարանի ընդհանուր
քարտուղար։ Վերոյիշեալ արարողութեան աւարտին Նորին Սրբութիւնը առանձնական հանդիպում
ունեցաւ նորօծ եպիսկոպոսին ու անոր ընտանեկան պարագաներուն հետ։